Monitro ac Adrodd

Os ydych chi’n amau eich bod chi wedi gweld rhywogaeth estron oresgynnol:

Os oes gennych chi syniad da beth yw’r rhywogaeth, rhowch wybod i iRecord am weld y rhywogaeth ar yr ap neu’r wefan.

Os nad ydych chi’n hyderus yn adnabod y rhywogaeth, gallwch chi anfon eich cofnod i’ch canolfan cofnodion amgylcheddol leol. Dewch o hyd i’ch canolfan cofnodion amgylcheddol leol yma.

Os na allwch wneud cofnod o’r rhywogaeth yr ydych wedi’i gweld trwy ap neu ar-lein, mae Ysgrifenyddiaeth Rhywogaethau Estron Prydain Fawr yn argymell eich bod yn anfon unrhyw gofnodion drwy’r post i:

The Biological Records Centre
CEH Wallingford
Maclean Building
Crowmarsh Gifford
Wallingford
Swydd Rydychen
OX10 8BB

✅ Cofnodwch y dyddiad, yr amser a’r lleoliad (defnyddiwch gyfesurynnau GPS yn ddelfrydol)

✅ Tynnwch lun o’r rhywogaeth (ceisiwch dynnu lluniau o sawl ongl yn ogystal ag o agos)

✅ Nodwch unrhyw wybodaeth ychwanegol (e.e. nifer, math o gynefin, rhyw, a yw’n farw neu’n fyw)

Am gymorth gydag adnabod, gweler y Dolenni ac Adnoddau.

Mae Cynllun Bioddiogelwch Morol Cymru yn rhestru enghreifftiau o ddulliau arolygu rhywogaethau estron goresgynnol morol ar gyfer monitro’r rhywogaethau hyn yn yr amgylchedd morol.